Skip to main content

Mohabbat karne wale gham se ghabraaya nahin kerte !!!!


M�aaz-Allah tasawwur mein bhi wo aaya nahin karte 
Dil-e-mahzoon ko sham-e-gham bhi samjhaaya nahin karte
Guzishta waardat-e-ishq duhraaya nahin kerte 
Shikaayat kya labon tak aah bhi laaya nahin karte 
Mohabbat karne wale gham se ghabraaya nahin kerte.....

Ye behr-e-kaif-o-masti hai yahan be-wasta bahna
Ye duniya-e-muhabbat hai yahan ka hashr kya kahna
Ye hoshiyaron ki mahfil hai yahan kuch soch ker kahna
Ye bazm-e-saghar-o-meena hai waaiz hosh mein rehna 
Yahan be-kaif afsaanon ko dohraaya nahin karte.....

Jinhein gham ki fazaaein bakhsh dein irfaan-e-sermasti 
Jinhein unki adaaein bakhsh dein irfaan-e-sarmasti
Jinhein paiham jafaein bakhsh dein irfaan-e sar-masti
Jinhein unki nighahein bakhsh dein irfan-e sar-masti
Wo deewane fareb-e-hosh mein ayaa nahin kerte.....

Terey qadmon pe sar rakhna meri daireena fitrat hai
Yahi meri aqedat hai yahi meri mohabbat hai
Dil-e-dard-aashna ulfat mein ye takmeel-e-ulfat hai
Haram ho dair ho kuchh bhi ho lekin ye haqeeqat hai 
Khuloos-e-dil ke sajde raayegaan jaaya nahin kerte.....

Raah-e-ulfat mein hota hai taqaaza ab ye khilwat ka
Aur gumaan hone laga soorat pe apni, unki soorat ka 
Azeez-e-Waarsi ye sheir hai pukhta aqeedat ka 
�Asad� mauqa miley to kya miley arz-e-mohabbat ka
Hum un ko paa ke apne aap ko payaa nahin kerte.....
Labels:

Comments

Post a Comment

Popular posts from this blog

TUM (Urdu Poetry)

TUM (Urdu Poetry) ...
Post a Comment
Read more

Rumi and Shakespeare

By Wes Jamroz, excerpts from his new book, Shakespeare's Sequel to Rumi's Teaching "Jalaluddin Rumi and William Shakespeare are considered to be the greatest poets of Persian and English literature, respectively. However, there is much more in common between these two titans of poetry who lived some 350 years and 2,000 miles apart. In his Sonnets, Shakespeare acknowledged that his writings were inspired by Rumi�s poetry. He referred to Rumi as one of �Alien pens� whom he was asked to study. He described Rumi as �He of tall building, and of goodly pride�. Shakespeare admitted that Rumi�s verses were so powerful that they were stopping his thoughts before he was able to formulate them. Although Shakespeare was strongly influenced by Rumi�s poetry, it should be emphasized that his writings were not merely some adaptations of Rumi�s illustrations from an Eastern environment into the Western culture. Such understanding would greatly diminish Shakespeare�s role. Shakespeare wa...
Post a Comment
Read more